काठमाडौं । आजभोलि पनि अभिभावकले आफ्ना बालबच्चालाई खेलकुदमा लगाउन खासै चाहँदैनन् । कोही बच्चाको रुचि खेलकुदतिर देखियो भने अभिभावकले भन्छन्, यो बिग्रियो । तर समय परिवर्तन भएको छ । नेपाली खेलाडीको भविष्य पनि एकपछि अर्को उज्वल देखिँदै गएको छ । नेपालकै खेलाडीहरुरुले पनि करोडौं कमाउन थालिसकेका छन् ।
नेपाली खेलाडीमध्ये खेलकुदबाट सबैभन्दा बढी पैसा कमाउनेमा सन्दीप लामिछाने पहिलो व्यक्ति बनेका छन् । उनले राष्ट्रिय तथा अन्तर्राष्ट्रिय लिगमा अनुबन्धित हुने देखि विज्ञापनबाट करोडौं कमाएका छन् । जुन नपाली खेलाडीमध्ये अहिलेसम्मकै उच्च कमााई हो ।
नेपाली खेलाडीमध्ये अन्तर्राष्ट्रिय लिगमा अनुबन्धित भएर करोडभन्दा बढी रकममा अनुबन्धित हुनेमा पनि लामिछाने नै भएका छन् । यसअघि कुनै पनि नेपाली खेलाडी यति ठूलो रकममा अनुबन्धित भएका थिएनन् । सन्दीपलाई ओभल इन्भेन्सीबल्समा एक लाख पाउण्डमा अनुबन्धित गरेको छ । जुन डेढ करोड नेपाली रुपैयाँ बराबर हुनआउँछ ।
यसैगरी, बार्बाडोस ट्रिडेन्टस् क्लबले ७० हजार अमेरिकी डलरमा अनुबन्धित गरेको छ । लामिछानेले क्यारेबियन लीगमा पाएको यो मूल्य अहिलेसम्मकै सर्वाधिक हो । यो रकम झन्डै ७८ लाख रुपैयाँ बराबर हो । उनले गत वर्ष पनि क्यारेबियन लिग खेलेका थिए । क्यारेबियन प्रिमियर लिग यो बर्ष सन् २०१९ अगस्ट २१ देखि सेप्टेम्बर २७ सम्म वेस्ट इन्डिजमा आयोजना हुने तय भएको छ ।
सन्दीपले द हन्ड्रेडमा कर्नाटिकाबाट ४५ हजार अमेरिकी डलरमा अनुबन्धित भए । केही हप्ता अगाडि कर्नाटकाले उनलाई ४५ हजार अमेरिकी डलरमा अनुबन्ध गरेको थियो । नेपाली लेग स्पिनर सन्दिप लामिछाने आईपीएल खेल्ने पहिलो नेपाली हुन् । आईपीएलको बेन्गलुरुको अक्सनमा सन्दिपलाई दिल्ली डेयर डेभिल्स टिमले २० लाख भारतीय रुपैयाँमा खरिद गरेको थियो ।
सिप्रदी ट्रेडिङ प्रा.लि.ले उनलाई तीन वर्षको अनुबन्धमा हस्ताक्षर गरेको छ साथै उनलाई टाटा टिगोर कारबाट पुरस्कृत गरेको छ । यती कार्पेटले लामिछानेलाई नेपाली एक लाखले पुरस्कृत गरेको छ । यतीले उनलाई आई पि एलमा उत्कृष्ट प्रदर्शन गरेको कारण पुरस्कृत गरेको हो । सन्दीप विभिन्न कम्पनिको उत्पादनको विज्ञापनमा आवद्ध छन् । यसबाट उनले लाखौं आम्दानी गर्छन् ।
