काठमाडौं । सहयोगी विकास बैंकले आर्थिक वर्ष २०७५–०७६ को मुनाफाबाट शेयरधनीलाई १९.३ प्रतिशत लाभांश बाँड्ने घोषणा गरेको छ। बैंक सञ्चालक समितिको कार्तिक १६ गते शनिबार सम्पन्न बैठकले १९.३ प्रतिशत नगद लाभांश घोषणा गरेको हो।
अघिल्लो आर्थिक वर्ष २०७४–०७५ मा बैंकले १७ प्रतिशत बोनस शेयर वितरण गरेको थियो। बैंकलाई सिटिन्स बैंकले प्राप्ति गर्ने सम्झौता गरिसकेको छ। सोही कारणले बैंकलाई पूँजीवृद्धि गर्न आवश्यक नरहेकाले गत आवको मुनाफाबाट नगद लाभांश मात्र वितरण गर्ने प्रस्ताव गरेको हो।
सहयोगी विकास बैंकले गत आर्थिक वर्षको चौंथो त्रैमाससम्ममा १७.७४ प्रतिशतले खुद नाफा बढाएर १२ करोड ८० लाख रुपैयाँ खुद नाफा कमाएको थियो।