एजेन्सी । अरेबिक मुकुल साउदी अरेबियाले अव दण्ड स्वरुप कोर्रा हान्ने सजाय खारेज गरेको छ । साउदीको सरकारी समाचार संस्थामार्फत सार्वजनिक गरिएको नयाँ कानुनी प्रावधानमा कोर्राको सट्टा जेल सजाय वा जरिवाना गर्ने ब्यवस्था गरिने उल्लेख छ । साउदीमा सरकार विरुद्ध बोल्नेलाई जेल सजाय दिने गरिएको छ । साउदी अरेबियाका राजकुमार मोहम्मद विन सलमानले सत्ता हात लिएपछि मानवअधिकारको अवस्था सुधार गर्न नयाँ निर्णय गरिएको हो । मानवअधिकारबादीले समेत साउदीको कतिपय कानूनी प्रावधानप्रति आलोचना जनाउदै आएका थिए ।