काठमाडौं । लकडाउन गरेर कोरोनाविरुद्ध मुलुक लागिरहेको बेला दुई चार करोड कमाउने लोभमा कालोबजारीको अभियोगमा पक्राउ परेका व्यापारी सुलभ अग्रवाललाई काठमाडौं जिल्ला अदालतबाट आज २५ लाख ५० हजार धरौटीमा रिहा गर्ने आदेश दिएको छ । अग्रवाल २५ चैत्रमा थर्मल गनको कालोबजारी गर्ने क्रममा रङ्गेहात पक्राउ परेका थिए । उनलाई अपराध महाशाखाको टोलीले ५ हजार पर्ने थर्मल गन १५ हजार रुपैयाँमा विक्री गर्दै गर्दा पक्राउ गरेको थियो ।