काठमाडौं । साताको पहिलो दिन आइतबार सुनचाँदीको मूल्यमा गिरावट आएको छ । चैत ६ गते, सुन तोलामा ६०० रुपैयाँले घटेको छ । नेपाल सुनचाँदी व्यवसायी महासंघका अनुसार चाँदी पनि तोलामा १० रुपैयाँले ओरालो लागेको छ । यस दिन छापावाल सुन प्रतितोला ९९ हजार २०० रुपैयाँ र तेजाबी सुन प्रतितोला ९८ हजार ७०० रुपैयाँमा झरेको छ । अघिल्लो साताको अन्तिम कारोबार दिन भने सुनको भाउ स्थिर रहेको थियो । सो दिन सुन प्रतितोला ९९ हजार ८०० रुपैयाँ कायम रहेको महासंघको तथ्यांकले देखाउँछ । चाँदीको भाउमा लगातार दोश्रो दिन पनि गिरावट आएको छ । आज चाँदी तोलामा १० रुपैयाँले घटेर प्रतितोला एक हजार ३७५ रुपैयाँमा खरिदबिक्री हुँदैछ । शुक्रबार चाँदी तोलामा पाँच रुपैयाँले घटेको थियो । त्यस दिन चाँदी प्रतितोला एक हजार ३८५ रुपैयाँमा किनबेच भएको थियो ।