काठमाडौं । बसको ठक्करबाट स्नातक तह चौथो वर्षमा अध्ययनरत गोरखाकी सृष्टि पन्तको ज्यान गएपछि काठमाडौंको सुकेधारा तनावग्रस्त बन्न पुग्यो ।
गोरखा स्थायी घर भएकी २१ वर्षीया पन्तलाई सडक पार गर्ने क्रममा बसले ठक्कर दिएको थियो । उतलाई तत्काल उपचारका लागि नजिकैको ओम अस्पतालमा पुर्याइए पनि उनलाई बचाउन सकिएन । उनको मृत्युपछि मृत्युपछि आक्रोसित उनका सहपाठीले बसमा आगजनीसँगै प्रदर्शन गर्दा सुकेधारा–चाबहिल क्षेत्र तनावग्रस्त बन्न पुगेको थियो । ।
काठमाडौं–भक्तपुर चल्ने बा ४ ख ५९२० नम्बरको बसले बिहाने पौने ६ बजे सृष्टिलाई ठक्कर दिएको थियो । पन्तको मृत्युपछि पशुपति क्याम्पस चाबहिलका विद्यार्थीहरुले मित्रपार्क क्षेत्रमा प्रदर्शन गरेका थिए । आक्रोसित विद्यार्थीहरुले काठमाडौं–भक्तपुर रुटमै चल्ने बा ४ ख ७१०४ नम्बरको अर्को बसमा समेत आगजनी गरेका थिए । आगजनी तथा तोडफोडको आरोपमा गौशाला प्रहरीले नेबिसंघका निवर्तमान केन्द्रीय सदस्य चेतन थापामगर र पशुपति क्याम्पसमा कक्षा १२ मा अध्ययनरत राजेश श्रेष्ठलगायत विद्यार्थीलाई नियन्त्रणमा लिएको छ ।