काठमाडौं । सानिमा बैंक लिमिटेडको २०औं वार्षिक साधारणसभाले ५.२६३२ प्रतिशत नगद लाभांश वितरण गर्ने प्रस्ताव पारित गरेको छ । उक्त सभा बैंकका अध्यक्ष तुक प्रसाद पौडेलको अध्यक्षतामा मंगलबार सम्पन्न भएको हो । सो सभाले संचालक समितिले प्रस्ताव गरे अनुसार हालको चुक्ता पुँजीको ५.२६३२ प्रतिशत नगद लाभांश (कर सहित) प्रदान गर्ने प्रस्ताव पारित गरेको हो। आर्थिक बर्ष २०८०–८१ मा २.४० अर्ब रूपैयाँ खुद मुनाफा गरेको सानिमा बैंकको कुल सम्पत्ति २३३.८६ अर्ब रूपैयाँ, कुल निक्षेप १९९.३८ अर्ब रूपैयाँ तथा खुद कर्जा सापटी १६४।९४ अर्ब रूपैयाँ रहेको छ । आर्थिक वर्ष २०७९–८० को तुलनामा निक्षेप, कर्जा सापटी र कुल सम्पत्तिमा क्रमशः ११.४८, १०.०६ र ८.४५ प्रतिशतले बृद्धि गरेको छ ।