काठमाडौं । बीमा अभिकर्ताहरुको अन्तर्राष्ट्रिय प्लेटफर्म एमडिआरटी सम्मेलनमा भाग सानिमा रिलायन्स लाइफका आधा दर्जन उत्कृष्ट बीमा अभिकर्ताहरुलाई विदाई गरिएको छ । आगामी आइतबारदेखि सिंगापुरमा सुरु हुने सो कार्यक्रममा नमिता न्यौपाने, पोखराका श्याम गुरुङ, चितवनकी भावना तिम्सिना, पोखरामा व्यवसाय गर्दै आएकी हिमालदेवी गुरुङ, काठमाडौंबाट व्यवसाय गर्ने सिता भट्टराई, र कल्पना विष्ट रहेका छन् । कम्पनीका सिईओ शिवनाथ पाण्डेले एमआडिआरटी सम्मेलनमा सिंगापुरमा भाग लिन जाने छ जना बीमा अभिकर्तालाई सफलताको शुभकामना सहित विदाई गरेका छन् । कम्पनीमा उत्कृष्ट व्यवसाय गरी जीवन बीमाको बजारिकरण अझै गुणस्तरीय बनाउन र व्यक्तित्व विकास र क्षमता अभिबृद्धिका लागि उनीहरु एमडिआरटीमा भाग लिन जान लागेका हुन् । सिंगापुरमा आयोजना हुने एमडिआरटी सम्मेलनमा भाग लिन उनीहरु गत वर्ष सन् २०२२ मा तोकिएको लक्ष्य पूरा गरी एमडिआरटीका लागि छनौट भएका थिए ।