एजेन्सी । अन्तर्राष्ट्रिय बजारमा सुनको दैनिक कारोबार भइरहेको छ। बुधबार अन्तर्राष्ट्रिय बजारमा सुनको मूल्य हालसम्मकै उच्च बिन्दुमा पुगेको छ। बुधबार (अप्रिल २९) मा अन्तर्राष्ट्रिय बजारमा सुनको मूल्य प्रतिऔँस १ हजार ७१०.६१ डलरमा कारोबार भएर नयाँ रेकर्ड कायम गरेको हो। यस अनुसार यदि नेपालमा सुनको कारोबार खुलेको भए अहिले सुन प्रतितोला करिब ९२ हजार (करसहित) रुपैयाँ पुग्ने विज्ञहरुले बताएका छन् ।