काठमाडौं । हाम्रा नेताहरु भारतीय मिडियाले नेपालीमा प्रश्न गरे पनि या अंग्रेजीमा प्रश्न सोधे भने पनि हिन्दीमै उत्तर दिएर पारीको हुँदो देखिन खोज्छन् । तर पूर्व राजाले भने आफूलाई हिन्दू नआउँदै भन्दै पत्रकारलाई नै नेपाली बोल्न बाध्य पारेका छन् ।
पूर्वराजा ज्ञानेन्द्रसँग घटेको यो घटना अहिले चर्चामा छ । पूर्वराजा ज्ञानेन्द्र अहिले भारतको दार्जिलिङमा छन् । उनका स्वकीय सचिव फणिराज पाठकका अनुसार उनी यही फागुन १९ गते दार्जिलिङतर्फ गएका हुन् । व्यक्तिगत रुपमा घुमघामको लागि भन्दै गएका पूर्वराजा यही दिन फर्किने भन्ने निश्चित भने छैन । पूर्वराजा दार्जिलिङमा रहेका बेला एक पत्रकारले उनीसँग हिन्दीमा प्रश्न सोध्न खोजेका थिए ।
तर, पूर्वराजाले उनको प्रश्न बीचमै काट्दै भने, आइ डोन्ट नो हिन्दी अर्थात म हिन्दी बुझ्दिन । पूर्वराजाको यो जवाफपछि ती पत्रकार बाध्य भएर नेपालीमा प्रश्न सोध्न थाले । उनले नेपालीमै पूर्वराजासँग भारत आउनुको कुनै विशेष कारण कि भनेर सोधे । पूर्वराजाले अहिले केही विशेष छैन भनेर जवाफ दिए अनि अगाडि बढे ।
I don't know Hindipic.twitter.com/SAnKuxj0Q7
— ऋतम्भरा (@rritamvara) March 6, 2021
