काठमाडौं। लोभले लाभ, लाभले विलाप भन्ने उखान त्यसै प्रचलनमा आएको होइन । एकजना महिला प्रहरी हवल्दार आइतबार ११ लाख घुस रुपैयाँसहित पक्राउ परेकी छन्। अख्तियार दुरुपयोग अनुसन्धान आयोगको थुनामा रहेका भन्सार कार्यालयका कर्मचारीलाई छुटाईदिने भन्दै ११ लाख घुस लिएको अवस्थमा प्रहरी हवल्दार ताराकुमार श्रेष्ठलाई अख्तियारको टोलीले पक्राउ गरेको हो। महानगरीय प्रहरी बृत्त नयाँ बानेश्वरमा कार्यरत हवल्दार ताराकुमारी श्रेष्ठ र रेष्टुरेन्ट सञ्चालक अनिश जोशीलाई अख्तियारको टोलीले पक्राउ गरेको अख्तियारले जनाएको छ। दुबैजना आइतबार साँझ घुस रकमसहित त्रिभुवन विमानस्थल भन्सार कार्यालय परिसरबाट पक्राउ परेका हुन्।