कैलाली । ५० रुपैयाँ दिएर एक किशोरीलाई बलात्कार गर्ने ६८ वर्षका वृद्ध पक्राउ परेका छन् । कञ्चनपुरमा १५ वर्षकी किशोरीमाथि बलात्कारको आरोपमा ६८ वर्षका वृद्ध पक्राउ परेका हुन् । घटना वैशाख २ गतेको भए पनि आपसी रुपमै दबाउन खोजिएको सो घटना प्रहरीले पत्ता लगाएको हो । जिल्लाको भीमदत्त नगरपालिका– ११ भुजेलाका तारादत्त जोशीलाई जिल्ला प्रहरी कार्यालय कञ्चनपुरले पक्राउ गरेको हो । किशोरीलाई ५० रुपैयाँ दिई बलात्कार गरेको पीडित पक्षले प्रहरीलाई बताएको छ । वृद्धले घटना सार्वजनिक नगर्न भन्दै पीडित पक्षलाई १० लाख रुपैयाँ दिएको प्रहरीले बताएको छ । पीडित पक्षलाई दिएको १० लाख रुपैयाँको चेकसमेत प्रहरीले नियन्त्रणमा लिएको छ । जिल्ला प्रहरी कार्यालय कञ्चनपुरले प्रवक्ता रवीन्द्र पौडेलले घटनाबारे अनुसन्धान भरहेको बताए ।