काठमाडौं। विनासकारी भूकम्पको चार वर्ष बितिसक्दा पनि अझै पीडितहरुले त्रिपाल हटाउन पाएका छैनन् । वर्षैपिच्छे परिवर्तन हुने सरकार र सरकारैपिच्छे परिवर्तन हुने पुननिर्माण प्राधिकरणको नेतृत्वका कारण भूकम्प पीडित नागरिकमाथि अझै ठूलो पीडा थपिएको थियो । तर अहिले बलियो र स्थिर सरकार छ अझै पनि पीडिले भनेजस्तो सहज तरिकाले पुनर्वासको व्यवस्था पाएका छैनन् । यही बेला गोरखा र धादिङ्ग जिल्लाका भुकम्प पिडित जनतालाई सहुलियतपूर्ण कर्जामा सहकार्य गर्ने सम्बन्धमा राष्ट्रिय वाणिज्य बैंक र यूके एड सक्षम एक्सिस टु फाइनान्सबीच समझदारी भएको छ।
राष्ट्रिय पुनरनिर्माण प्रधिकरणका प्रमुख कार्यकारी अधिकृत सुशिल ज्ञवालीको उपस्थितिमा भएको सम्झौतापत्रमा बैंकका प्रमुख कार्यकारी अधिकृत किरणकुमार श्रेष्ठ र सक्षमका टोली प्रमुख निर्मल दाहालले हस्ताक्षर गरेका छन्।
सम्झौतापछि २०७२ सालको भुकम्पले क्षति पुर्याएका धादिङ्ग जिल्लाका धुनिवेशी, निलकण्ठ नगरपालिका र गोरखा जिल्लाको गोरखा नगरपालिकाका नागरिकहरुलाई बैंकले नियमानुसार सहुलियपूर्ण कर्जा अन्तर्गत सहुलियत दरमा भुकम्प पिडित घर कर्जा लगानी गर्ने छ।
सझौतापछि प्रदेश नम्बर २, ५, कर्णाली प्रदेश र सुदुर पश्चिम प्रदेशका दुर्गम जिल्लाहरुमा बैंकले सक्षमसँग मिलेर सामाजिक सुरक्षाको रकम भुक्तानी बैंक मार्फत गर्नको लागि वित्तीय साक्षरता कार्यक्रम संचालन गर्ने छ।