काठमाडौं । नेपाल फाइनान्सको रिक्त दुई सञ्चालक नियुक्त भएका छन् । रहेको सर्वसाधारण शेयरधनीको प्रतिनिधित्व गर्ने संचालक पदमा रोजीना श्रेष्ठ नियुक्त भएकी हुन् ।
उनलाई पानस इनभेष्टमेन्टको तर्फबाट बाँकी कार्यकालको लागि श्रेष्ठ संचालक पदमा नियुक्त गरिएको कम्पनीले जनाएको छ । त्यस्तै संस्थाको रिक्त रहेको स्वतन्त्र संचालक पदमा आनन्द कृष्ण ताम्राकारलाई नियुक्त गरेको छ । उनलाई ३२५ औ संचालक समितिको बैठकको निर्णयबाट नियुक्त गरिएको जनाइएको छ ।
ताम्राकार कृषि बिकास बैंकमा ३० बर्ष कार्य गरी अबकास प्राप्त भैसकेका छन् । संचालक नियुक्ती पश्चात संस्थामा ७ जनाको संचालक समिति पुगेको छ । जसमा प्रा हिरेन्द्रमान प्रधान अध्यक्ष, चन्द्र कुमार राई, दिप्रश शाक्य, राजन प्रजापती, लक्ष्मी महर्जन रोजीना श्रेष्ठ र आनन्द कृष्ण ताम्राकार सहितको संचालक समिति भएको फाइनान्सले जनाएको छ । फाइनान्स बिगत ५ बर्षदेखि समस्याग्रस्त अबस्थामा रहेकोमा २०७६ मंसिर २५ गतेबाट नेपाल राष्ट्र बैंकबाट सशर्त फुकुवा भई सामान्य अबस्थामा कारोबार शुभारम्भ भएको हो । फाइनान्सले आषाढ मसान्त सम्ममा २१ करोड निक्षेप संकलन गरी १२ करोड कर्जा प्रबाह गरेको जानकारी दिएको छ ।