काठमाडौं । उदयपुर जिल्ला अदालत परिसरमा ग्लोबल आइएमई बैंकले एटीएम सेवा विस्तार गरेको छ । यस नयाँ एटीएमसेवा थप भएसँगै ग्लोबल आइएमई बैंकको एटिएम संख्या २३६ पुगेको बताइएको छ ।
उक्त एटीएम सेवाको उदयपुर जिल्ला अदालतका न्यायधीशद्वय दिपक खनाल र मनोज केसीले संयुक्त रुपमा उद्घाटन गरे ।

बैंकले बोक्से स्थित सरकारी कार्यालयका कर्मचारीहरुका साथै अन्य सर्वसाधारण ग्राहकहरुलाई लक्षित गरी उक्त एटीएम सेवा सञ्चालनमा ल्याएको हो ।