काठमाडौं । महालक्ष्मी लाईफ इन्स्योरेन्सले आफ्ना सबै सूचांकमा प्रगति गरेको छ । आर्थिक वर्ष ०७६–०७७ को चौथो त्रैमाससम्मको वित्तीय विवरण यस्तो सूचांक देखाएको हो ।
कम्पनीले सो अवधिमा बीमा शुल्क आर्जन २४५ प्रतिशतले वृद्धि गर्दै ८६ करोड ८३ लाख पुर्याएको छ । जबकि अघिल्लो आर्थिक वर्षको सोही अवधिमा कम्पनीले २५ करोड १३ लाख बीमा शुल्क आर्जन गरेको थियो । कम्पनीको जीवन बीमा कोष २२२ प्रतिशतले वृद्धि हुँदै ८१ करोड ६ लाख पुगेको छ। आर्थिक वर्ष ०७५–०७६ मा जीवन बीमा कोष २५ करोड १९ लाख थियो । खुद मुनाफामा ८१७ प्रतिशतको वृद्धि हुँदै ८ करोड माथि रहेको छ। अघिल्लो आर्थिक वर्ष कम्पनीको खुद नाफा ८७ लाख ३४ हजार थियो ।