ललितपुर । शाखा विस्तारको क्रममा कामना सेवा विकास बैंक लिमिटेडले आफ्नो १०० औ शाखा ललितपुर महानगरपालिका– २० स्थित कुमारीपाटीमा शुभारम्भ गरेको छ ।
बैंकका अध्यक्ष सुदिप आर्चाय तथा नेपाल राष्ट्र बैंकका डेपुटी गभर्नर शिवराज श्रेष्ठले संयुक्त रुपमा शाखा कार्यालयको उद्घाटन गरेका थिए । बैंकले १००औं शाखा स्थापनाको अबसरमा ग्राण्डी अस्पतालको सहकार्यमा निःशुल्क स्वास्थ्य परीक्षणको आयोजना समेत गरेको थियो ।
उद्घाटन कार्यक्रममा डेपुटी गभर्नर श्रेष्ठले बैंकले छोटो अवधिमा राम्रो प्रगति गरी एउटा सवल बैंक बन्न सफल भएकोमा आगामी दिनमा बैंक अझै मजबुत हुँदै जाने र देशको अर्थिक विकासमा टेवा पुराउने विश्वास व्यक्त गरेका थिए ।
यसै अबसरमा बैंकले स्वर्णिम सुरक्षित बचत खाताको अपार सफलता पछि समय सापेक्ष व्यवसाय प्रवर्धन तथा ग्राहकहरुको सुविधालाई मध्यनजर गर्दै विविध विशेषता सहितको स्वर्णिम सुरक्षित प्रिमियम बचत खाताको शुभारम्भ समेत गरेको छ ।