काठमाडौं। भ्रमण वर्ष नजिकिँदै गर्दा पनि सरकारी तयारी सुस्त छ । तर निजी क्षेत्रको उत्साह निकै सकारात्मक देखिएको छ । भ्रमण वर्षका लागि होटल व्यवसायीले पर्यटकका लागि कोठ भाडामा ३० प्रतिशत र खानामा १५ प्रतिशत छुट दिने घोषणा गरेका छन् । होटल संघ नेपालको हालै बसेको कार्यसमिति बैठकले यो निर्णय गरेको हो।

संघका उपाध्यक्ष विनायक शाहले भ्रमण वर्ष २०२०मा पर्यटकलाई कोठामा ३० प्रतिशत र खानामा १५ प्रतिशत छुट दिने निर्णय भएको जानकारी दिएका छन्। यो योजना संघमा आवद्ध दुई हजार होटलमा २०२०देखि छुट कार्यान्वयनमा आउने बताइएको छ।