काठमाडौं । सानिमा जनरल इन्स्योरेन्सको आइपीओ असोजभित्रै आउने भएको छ । सानिमा जनरल इन्स्योरेन्सले नेपाल धितोपत्र बोर्डबाट आइपीओ निष्काशनको अनुमति पाएको छ ।

बोर्डले उक्त कम्पनीलाई ३० करोड रुपैयाँ बराबरको ३० लाख कित्ता आइपीओ बिक्रि गर्ने अनुमति दिएको हो । कम्पनीले सर्वसाधारण शेयरधनीहरुलाई जारी पूँजिको ३० प्रतिशत आईपीओ विक्री गर्न असार १४ गते बोर्डमा निवेदन दिएको थियो । एक अर्ब जारी पूँजि रहेको उक्त कम्पनीको हाल संस्थापक तर्फको ७० करोड चुक्ता पूँजि कायम रहेको छ ।

सर्वसाधारणलाई आईपीओ विक्री पश्चात कम्पनीको चुक्तापूँजि एक अर्ब पुग्नेछ । इन्स्योरेन्सको आईपीओ विक्री प्रबन्धकमा एनआईसि एशिया क्यापिटल रहेको छ ।