काठमाडौं । आर्थिक वर्ष २०७५–०७६ को मुनाफाबाट लक्ष्मी बैंकले शेयरधनीलाई १५ प्रतिशत लाभांश दिने घोषणा गरेको छ। बैंक सञ्चालक समितिको कार्तिक १७ गते आइतबार बिहान ९ बजे सम्पन्न बैठकले शेयरधनीलाई १० प्रतिशत बोनस र ५ प्रतिशत नगद लाभांश प्रस्ताव गरेको हो।
बैंकले हाल कायम पूँजी ८ अर्ब ९२ करोड रुपैयाँको १० प्रतिशत अर्थात ८९ करोड २० लाख रूपैयाँ बराबरको ८९ लाख २० हजार ५०८.६४ कित्ता बोनस शेयर वितरण गर्ने प्रस्ताव गरेको छ । यस्तै बोनस शेयरमा लाग्ने कर सहित ४४ करोड ६० लाख रुपैयाँ बराबरको नगद लाभांश वितरण गर्ने भएको हो ।
बोनस वितरण पछि बैंकको चुक्ता पूँजी ९ अर्ब ८१ करोड २५ लाख रुपैयाँ पुग्नेछ । अघिल्लो आर्थिक वर्ष २०७४–०७५ मा बैंकले ८।५० प्रतिशत बोनस शेयर र कर प्रयोजनका लागि ०.४५ प्रतिशत नगद लाभांश वितरण गरेको थियो।