काठमाडौं। नेपाल धितोपत्र बोर्डले शेयर कारोबारमा शेयर ब्रोकरले पाउने कमिशन घटाएको छ। बोर्डले अधिकतम ०.४० प्रतिशत कमिशन पाउने व्यवस्था गरेको हो। यसअघि ब्रोकरले अधिकतम् ०.६५ प्रतिशतसम्म कमिशन लिँदै आएका थिए।

पछिल्लो दिनहरुमा शेयर कारोबारको रकम बढेको भन्दै शेयर लगानीकर्ताहरुले ब्रोकर कमिशन घटाउनुपर्ने भन्दै आन्दोलनसमेत गरिरहेका थिए। हालै अर्थमन्त्री विष्णु पौडेलले पनि शेयर ब्रोकर कमिशन घटाउन निर्देशन दिएका थिए।