काठमाडौं । ग्राहकलाई आकर्षित गर्न बीमा कम्पनीहरुले नयाँ नयाँ बीमालेखहरु सार्वजनिक गर्नेक्रम प्रतिस्पर्धाकै शैलीमा अघि बढेको छ । नवीनतम जीवन बीमा लेख पस्किने क्रममा सिटिजन लाइफ इन्स्योरेन्स कम्पनी लिमिटेडले हालसालै बजारमा ल्याएको सिटिजन शुभारम्भ जीवन बिमा योजना लोकप्रिय बनेको छ । प्रचलनमा आएको केही समयमै सिटिजन शुभारम्भ जीवन बिमा योजनाले नेपालीको मन जित्न सफल भएको हो ।
कार्तिक २१ गते विशेष कार्यक्रमको आयोजना गर्दै व्यवसायिक रुपमा शुरुवात गरिएको उक्त बिमा योजनामा हालसम्म ३,००० भन्दा बढी बिमितहरु आवद्ध भएको कम्पनीले जनाएको छ ।
बिमितहरुको भावी योजनाहरुलाई सार्थक बनाउनको लागि १० हजारको न्यूनतम बिमाङ्क रकममा बीमा गर्न सकिने यस बीमा योजनाले बीमा अवधिभर जोखिम बहन गरी बिमितहरुलाई आर्थिक सुरक्षा प्रदान गर्दछ ।
यस योजना मार्फत बिमितले साधारण मृत्युमा बिमाङ्कको डबल रकम एवम् दुर्घटना मृत्युमा बिमाङ्कको तीन गुणा तथा नियमानुसारको बोनस रकम प्राप्त गर्न हुनेछ । यसका साथै स्थायी पूर्ण अशक्तता लाभ, बिमाशुल्क छुट लाभ, मासिक आय लाभ, काजक्रिया खर्च सुविधा र ५० लाखसम्मको घातक रोग उपचार खर्च जस्ता सुविधाहरु समेत यो योजनामा उपलब्ध रहेको छ ।