काठमाडौं । लक्ष्मी बैंकका पूर्व सीइओ सुदेश खालिङ सिटिजन्स बैंकको सञ्चालकमा नियुक्त भएका छन्। बैंकको ३२०औं सञ्चालक समितिको बैठकले खालिङलाई सो जिम्मेवारी सुम्पेको हो । सञ्चालक अवनिन्द्र कुमार श्रेष्ठको पदावधि सकिएपछि रिक्त हुन गएको स्वतन्त्र सञ्चालकको पदमा बैंकिङ्ग क्षेत्रमा करिब तीन दशक लामो अनुभव भएका खालिङलाई नियुक्त गरेको हो ।
वाणिज्य बैंकमा सहायकबाट बैंकिङ्ग पेशा शुरु गरेका खालिङले दुई वाणिज्य बैंकको अनुभव बटुल्दै पछिल्लो समय लक्ष्मी बैंकको प्रमुख कार्यकारी अधिकृतबाट निवृत भएका थिए।