काठमाडौं । बीमितको मृत्युपछि बीमितको घरैमा पुगेर नेपाल लाइफ इन्स्योरेन्स कम्पनी बेनी उपशाखाले बीमा रकम दाबी भुक्तानी गरेको छ। पर्वत जिल्ला जलजला गाउँपालिका–८ लस्तीकी बिमित पुतली दमाईको क्यान्सर रोगका कारण ज्यान गएपछि निजको हकवाला छोरा रमेश परियारलाई उनकै घरमा पुगेर मृत्युदाबी रकम हस्तातरण गरिएको हो । वडाध्यक्ष हरि विकाश जिसीले बीमाङ्क तथा बोनस रकम सहित पाँच लाख ५० हजारको चेक हस्तान्तरण गरेका हुन् । कार्यक्रममा बोल्दै वडा अध्यक्ष जिसीले जीवन बीमा अनिवार्य आवश्यकताको विषय भएकाले सबै नागरिकहरुले अनिबार्य जीबन बीमा गर्नुपर्ने बताएका थिए । बिमित परियारलाई गत मंसिरमा पनि नेपाल लाईफ इन्स्योरेन्स कम्पनीले घातक रोग सुबिधा वापतको पाँच लाख रुपियाँ घरमै पुगेर प्रदान गरेको उपशाखा प्रमुख प्रकाश रेग्मीले बताए । वडा अध्यक्ष जिसीको अध्यक्षता, सिनियर एजेन्सी म्यानेजर चित्रनाथ शर्माको स्वागत मन्तब्य र उपशाखा प्रमुख प्रकाश रेग्मीको सञ्चालनमा सम्पन्न भएको थियो। त्यस्तै नेपाल लाईफ ईन्स्योरेन्स कम्पनीमा बीमा गरेका रगुगंगा गाउँपालिका–२, स्थायी घर भई बेनी नगरपालिका–८ बस्ने जीतबहादुर खत्रीलाई घातक रोग सुबिधा बापतको पाँच लाख रुपियाँको चेक हस्तान्तरण गरिएको छ । ११ महिना अगाडी जीबन बिमा खरिद गरेका खत्रीलाई प्याारालाईसिस भएपछी मंगलबार उनकै निवासमा पुगी कम्पनीका उपशाखा प्रमुख प्रकाश रेग्मीले चेक हस्तान्रण गरेका थिए ।