काठमाडौं । सन नेपाल लाईफ इन्स्योरेन्स कम्पनीले आफ्नो कम्पनीका बीमितको ज्यान गएपछि विमितका परिवारलाई बीमा रकम प्रदान गरेको छ । रुपन्देही वाणगंगा नगरपालिका वार्ड नं ८ वस्ने स्वर्गिय चक्र वहादुर उचै ठकुरीको वैदेशिक रोजगारको सिलसिलामा दुवईमा मृत्यु भएको थियो ।सन नेपाल लाईफ इन्स्योरेन्स कम्पनी लि।वुटवल शाखाको तर्फबाट मृतकका श्रीमती गंगा शाहीलाई १२ लाखको चेक हस्तान्तरण गरेको हो ।
चेक हस्तान्तरणका अवसरमा सन नेपाल लाईफ इन्स्योरेन्स वुटवल शाखाका शाखा प्रमुख सुवास सेन ओलीले वैदेशिक रोजगारमा जानेले अनिवार्य रुपमा श्रम स्वीकृती लिई बीमा गरेर वैधानिक रुपमा जानुपर्ने बताए । वैदेशिक रोजगारको क्रममा घटना घटेको अवस्थामा बीमाले आश्रीत परिवारको लागि ठूलो राहत मिल्ने उनले बताए ।