काठमाडौं । संस्थागत सामाजिक उत्तरदायित्व अन्तर्गतका विभिन्न कार्यक्रमहरु सञ्चालन गर्दै आइरहेको नेपाल बंगलादेश बैंकले निःसहाय सेवा सदनलाई आर्थिक सहयोग गरेको छ । काठमाडौंको शान्तिनगर नयाँ बानेश्वरस्थित निःसहाय सेवा सदनलाई एक लाख रकमको आर्थिक सहयोग हस्तान्तरण गरेको थियो ।
बैंकले हस्तान्तरण गरेको सो रकमले सदनका निःसहाय ज्येष्ठ नागरिकहरुका लागि आवश्यक पर्ने विभिन्न सामग्री जुटाउन उपलब्ध गराइएको हो । यो सहयोगले सदनमा आश्रित सबै ज्येष्ठ नागरिकलाई बसोबास तथा स्वस्थ उपचारमा सहज हुने सदनका उपाध्यक्ष करुणा गोविन्द श्रेष्ठले जानकारी गराइन् ।
बैंकका नायब प्रमुख कार्यकारी अधिकृत सुरेन्द्र भूषण श्रेष्ठले बैंकले संस्थागत सामाजिक उत्तरदायित्वलाई सधै आफ्नो उच्च प्राथमिकतामा राख्दै आएको जानकारी गराए।
