काठमाडौं । बैंक अफ काठमाण्डूको सञ्चालक समितिको भदौ १५ गते सम्पन्न १३० औं बैठकले ६ प्रतिशत बोनस र ११ प्रतिशत नगद लाभांश गरी कुल १७ प्रतिशत लाभांशको घोषणा गरेको छ ।
गत आर्थिक वर्ष २०७५÷७६ को मुनाफाबाट शेयरधनीलाई गरि १७ प्रतिशत लाभांश घोषणा गरेको हो। बैंक सञ्चालक समितिको बैठकले प्रस्ताव गरेको उक्त लाभांश नेपाल राष्ट्र बैंकको स्वीकृति तथा कम्पनीको २५ औं वार्षिक साधारण सभाले अनुमोदन गरेपश्चात मात्र शेयरधनीले पाउनेछन्।
बैंक सञ्चालक समितिको १३० औं बैठकले बैंकको चुक्ता पूँजी ८ अर्ब ६ करोड ३१ लाख ०१ हजार ३३५ रुपैयाँबाट ४८ करोड ३७ लाख ८६ हजार ८० रुपैयाँको बोनस र ८८ करोड ६९ लाख ४१ हजार १४७ रुपैयाँ नगद लाभांश गरि कूल एक अर्ब ३७ करोड ७ लाख २७ हजार २२७ रुपैयाँ बराबरको लाभांश वितरण गर्ने प्रस्ताव गरेको हो।