काठमाडौं । आर्थिक वर्ष २०७७–०७८ को मुनाफाबाट युनियन लाइफ इन्स्योरेन्सले शेयरधनीहरुलाई वितरण गर्ने लाभांश घोषणा गरेको छ। इन्स्योरेन्सले हाल कायम चुक्ता पूँजीको ८.३५ प्रतिशतका दरले बोनस शेयर र सोको कर प्रयोजनार्थ ०.४५५३ प्रतिशत नगद लाभांश वितरण गर्ने घोषणा गरेको हो। पुस १२ गते बसेको इन्स्योरेन्सको सञ्चालक समितिको बैठकले सो दरमा लाभांश वितरण गर्ने निर्णय गरेको हो। नेपाल बीमा प्राधिकरणबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।