काठमाडौं । दोलखाको कालिन्चोकबाट भक्तपुर आउँदै गरेको बस सिन्धुपाल्चोकको सुनकोसी गाउँपालिका–७ , स्थित ६ किलोमा भन्ने स्थानमा दुर्घटना हुँदा ४ जनाको मृत्यु भएको छ ।

बा ४ ख ४४६८ नम्बरको बसमा सवार कम्तिमा १३ जनाको घटनास्थलमै मृत्यु भएको छ । मृत्यु हुनेहरुमा ८ महिला, ३ पुरुष, १ बालक र १ बालिका रहेको बताइएको छ। । मृतकको सनाखत भईसकेको छैन । बसको ब्रेक फेल भई दुर्घटना भएको अनुमान गरिएको छ । कालिन्चोक मन्दिर दर्शनका लागि रिजर्भ गरेर लगिएको उक्त बस आइतबार बिहान ८ः१५ बजे दुर्घटना भएको हो ।

सडकबाट अन्दाजी ५०० मिटर तल खसेको बसमा कति यात्रु सवार थिए भन्ने यकिन नभएको जिल्ला प्रहरी कार्यालय, सिन्धुपाल्चोकले जनाएको छ । प्रहरी र स्थानीय अहिले घाइते यात्रुको उद्धारमा जुटेका छन् । सिन्धुपाल्चोकमा एक महिनाको बीचमा भएको यो अर्को दुर्घटना हो । गत कात्तिकमा सुकुटेमा बस दुर्घटना हुँदा १७ जनाको ज्यान गएको थियो ।