काठमाडौं । अध्ययन अध्यापन क्षेत्रमा केही समयदेखि क्रियाशील रहँदै आएका गणेश गौतम www.arthabeema.com का सहसम्पादक समेत हुन् । उनलाई पूर्वाञ्चल विश्वविद्यालयद्वारा शनिबार आयोजित दीक्षान्त समारोहमा चारवटा विधामा स्वर्ण पदकबाट दीक्षित भएका छन् ।

सहसम्पादक गौतम विश्वविद्यालय अन्तर्गतको विश्वविद्यालय सर्वोत्तम मानिने विश्वविद्यालय स्वर्ण पदक, विज्ञान तथा प्रविधि शंकायको सर्वोत्तम रामलाल गोल्छा स्वर्ण पदक, आईटी र इन्जिनियरिङ कार्यक्रमको सर्वोत्तम मानिने स्व। डिल्लीबहादुर अधिकारी स्वर्ण पदक र स्नातकोत्तर तह सर्वोत्तम नारायणप्रसाद कोइराला स्वर्ण पदकबाट दीक्षित भएका हुन् । विश्वविद्यालयका कुलपति प्रधानमन्त्री केपी शर्मा ओलीको उपस्थिति हुने बताइएको उक्त कार्यक्रम प्रधानमन्त्रीको अस्वस्थताका कारण सहकुलपति एवं शिक्षामन्त्री गिरिराजमणि पोखरेलले विद्यार्थीहरुलाई दीक्षित गरेका थिए ।
यस अवसरमा सहसम्पादक गौतमलाई हार्दिक बधाई ज्ञापन गर्दै www.arthabeema.com परिवार उहाँको आगामी शैक्षिक र प्राज्ञिक यात्रा अझै उचाईमा पुगोस् भन्ने कामना गर्दछ ।