काठमाडौं । नेपाल राष्ट्र बैंकले हिमालयन बैंक लिमिटेडलाई सम्मान गरेको छ । राष्ट्र बैंकल आफ्नो ६८औँ वार्षिक उत्सवको अवसरमा वाणिज्य बैंकहरु मध्ये सबै भन्दा बढी विप्रेषण (रेमिट्यान्स) भित्र्याउन सफल भएकोमा हिमालयन बैंकलाई सम्मानित गरेको हो । राष्ट्र बैंकका गर्भनर महाप्रसाद अधिकारीले हिमालयन बैंकका प्रमुख कार्यकारी अधिकृत अशोक शमशेर राणालाई प्रशंसापत्र हस्तान्तरण गरेका छन् । हिमालयन बैंकले आ।व। २०७८–७९ मा देशमा भित्रिएको कूल विप्रेषणको १६.९० प्रतिशत रकम भित्र्याउन सफल भएकोमा सो सम्मान प्राप्त गरेको हो । करिब दुई दशक देखि आफ्नो विप्रेषण सेवा “हिमाल रेमिट” मार्फत ग्राहकहरुलाई समयानुकूल सेवा सुबिधा प्रदान गर्दै आइरहेको छ । बैंकले संसार भरि अवस्थित १२५ भन्दा बढी व्यावसायिक साझेदारको सञ्जाल मार्फत प्रिमियम अनलाइन ग्राहक केन्द्रीत प्रविधिमा आधारित आधुनिक प्रणालीबाट आफ्नो विप्रेषण सेवा संचालन गर्दै आएको छ । हाल बैंकले देश भरि फैलिएका हिमाल रेमिटका १८ हजार भन्दा बढी भुक्तानी केन्द्रहरु मार्फत विदेशबाट आप्रवाह भएका विप्रेषणको सरल र सहज रुपमा भुक्तानी गर्दै आएको छ ।