सुर्खेत । १३औं दक्षिण एशियाली खेलकुद प्रतियोगिता (साग) अन्तर्गत भारत्तोलन तर्फ स्वर्ण पदक विजेता सन्जु चौधरीलाई आइएमई लाइफ इन्स्योरेन्स कम्पनीले सम्मान तथा पुरस्कार प्रदान गरेको छ । नेपालगञ्जमा आयोजित एक कार्यक्रममा कम्पनीका प्रदेश प्रमुख प्रेमप्रसाद तिमिल्सेनाले स्वर्ण पदक विजेता सन्जुलाई २० हजार रुपैयाँ सम्मान स्वरुप प्रदान गरेका छन् । उक्त कार्यक्रममा आईएमई लाइफ सुर्खेत एबीएम धिरेन्द्रबहादुर शाही, नेपालगञ्ज शाखा प्रमुख रवि महतरालगायत वरिष्ठ एजेन्सी म्यानेजरको सहभागिता रहेको थियो ।