काठमाडौं । सेञ्चुरी कमर्सियल बैंकले नयाँ बचत खाता ‘सेञ्चुरी सेभिङ्ग प्लस एकाउन्ट’ को शुभारम्भ गरेको छ । ५० लाख न्यूनतम मौज्दात भएको सो खातामा वार्षिक ६.५ प्रतिशत त्रैमासिक ब्याज भुक्तानी गरिने बताइएको छ । १० लाखसम्मको प्राणघातक रोग, दुर्घटना, दिर्घकालीन अशक्तताको बीमा समेत आइएमई जनरल इन्स्योरेन्सबाट गर्ने व्यवस्था गरिएको बैंकले जनाएको छ । सो खातावालाहरुले नेपालका अन्य कुनै पनि बैंकको एटीएमबाट पैसा निकाल्दा शुल्क नलाग्ने बताइएको छ । साथै निःशुल्क लकर सेवा, आकर्षक डिजिटल बैंकिङ्ग र कर्जा सुविधामा विशेष छुट समेत मिलाइएको छ । उक्त खाताको शुभारम्भ बैंकका प्रमुख कार्यकारी अधिकृत तुलसीराम गौतमले गरेका हुन् ।