काठमाडौं । सामाजिक उत्तरदायित्व अन्तर्गत सानिमा बैंकले शैक्षिक क्षेत्रमा टेवा पुर्‍याउँदै आएको टेक फर नेपाल संस्थालाई १० लाख रुपैया प्रदान गरेको छ । विगतको सहयोगलाई निरन्तरता दिँदै बैंकले टिच फर नेपाललाई सो रकम सहयोग गरेको हो ।
सरकारी विद्यालयमा अध्ययन गर्ने नेपाली विद्यार्थीलाई उच्चस्तरको शिक्षा दिने लक्ष्यका साथ विगत ६ वर्षदेखि शैक्षिक क्षेत्रमा क्रियाशिल टेक फर नेपालमार्फत अहिले १० हजारभन्दा बढी विद्यार्थीले सहयोग पाइरहेका छन् ।
सानिमा बैंकले विगत सात बर्ष देखिनै सामाजिक उत्तरदायित्व अन्तर्गत उपत्यका बाहिरका शाखाहरुबाट विपन्न वर्गका बिद्यार्थीहरुलाई शैक्षिक छात्रवृत्ति प्रदान गर्दै आएको बैंकले जनाएको छ ।