काठमाडौं । हिमालयन जनरल र एभरेष्ट इन्स्योरेन्स एकापसमा गाभिएर बनेको हिमालयन एभरेष्ट इन्स्योरेन्स ले गत आर्थिक वर्षको चौंथो त्रैमाससम्ममा ४० करोड ६ लाख रुपैयाँ खुद नाफा आर्जन गरेको छ । यो अघिल्लो आर्थिक वर्षको यहि अवधिको तुलनामा १८४.७५ प्रतिशतले बढी हो । अघिल्लो आर्थिक वर्षको असार मसान्तसम्ममा कम्पनीले १४ करोड ६ लाख रुपैयाँ खुद नाफा आर्जन गरेको थियो । कम्पनीको खुद बीमाशुल्क पनि ३८.४२ प्रतिशतले बढेर १ अर्ब १७ करोड ७५ लाख रुपैयाँ पुगेको छ । अघिल्लो आर्थिक वर्षको यहि अवधीमा कम्पनीले ८५ करोड ६ लाख रुपैयाँ खुद बीमाशुल्क आर्जन गरेको थियो ।यस्तै कम्पनीले पुनर्बीमा कमिशन बापत ३१ करोड ४० लाख रुपैयाँ र लगानी कर्जा तथा अन्य आयबाट ६ करोड २५ लाख रुपैयाँ आम्दानी गरेको छ । दुई कम्पनी मर्जर पश्चात बनेको कम्पनीको चुक्ता पूँजी २ अर्ब ३० करोड १५ लाख रुपैयाँ पुगेको छ । यस्तै कम्पनीको जगेडा कोषमा ६९ करोड ८ लाख रुपैयाँ, बीमा कोषमा १ अर्ब २९ करोड ४७ लाख रुपैयाँ र महाविपत्ती कोषमा ५ करोड ५३ लाख रुपैयाँ संचित रहेको छ । यस अवधिमा कम्पनीको प्रतिशेयर आम्दानी १७ रुपैयाँ ४१ पैसा, प्रति शेयर नेटवर्थ १८८ रुपैयाँ ६८ पैसा र मूल्य आम्दानी अनुपात ३४।४७ गुणा रहेको छ ।