काठमाडौं । प्रिमियर इन्स्योरेन्स कम्पनीको प्रमुख कार्यकारी अधिकृतमा विश्वराम तिमिला आउने भएका छन् । प्रिमियर इन्स्योरेन्सले तिमिलालाई सीईओ नियुक्त गरि बीमा समितिमा पठाएकोमा समितिले स्वीकृति दिएको छ। कम्पनी संचालक समितिले ३ साताअघि तिमिलालाई सीइओ नियुक्ति गर्ने निर्णय सहित स्वीकृतको लागि बीमा समिति पठाएको थियो ।
बीमा क्षेत्रमा करिब ४ दशक बिताएका उनी यस अघि नेको इन्स्योरेन्सको सीईओ थिए। नेको इन्स्योरेन्सका सीईओबाट अवकाश पाएका उनी ६ महिनाको कुलिङ्ग पिरियड सकिएपछि प्रिमियरमा प्रवेश गर्न लागेका हुन् ।
यस अघिका प्रमुख कार्यकारी अधिकृत रहेका सुधुम्नप्रसाद उपाध्यायको कार्तिक मसान्तदेखि कार्यकाल सकिएपछि उक्त पद खाली थियो ।
