काठमाडौं । एसईईको नतिजा भोलि बिहान सार्वजनिक गरिने भएको छ । माध्यमिक शिक्षा परीक्षाको नतिजा बिहीबार बिहान ९ बजेसम्म प्रकाशित हुने भएको हो। राष्ट्रिय परीक्षा बोर्ड बैठक अनुसार भोलि नतिजा प्रकाशित गर्ने निर्णय भएको हो ।आज नै एसईईको नतिजा सार्वजनिक गर्ने भनिएको भएतापनि प्राविधिक तयारी नपुगेको भन्दै भोलि नतिजा प्रकाशित गर्न लागिएको हो । भोलि बिहान ७ बजे राष्ट्रिय परीक्षा बोर्ड बैठक बस्नेछ । जसपश्चात एसईईको नतिजा सार्वजनिक गरिनेछ। एसईई परीक्षा गत चैत १५ देखि चैत २७ सम्म संचालन भएको थियो । सो परीक्षामा ५ लाख ४ हजार ४१४ विद्यार्थीहरू सहभागी भएका थिए ।