काठमाडौं । पुँजी बजारले रुचाएका अर्थमन्त्री विष्णु पौडेलले पूँजी बजारको प्रति आफू सकारात्मक रहेको र यस क्षेत्रको विकास तथा स्थायित्वका लागि आफूले सक्रियता पूर्वक पहल गर्ने बताएका छन् । धितोपत्र ब्रोकर्स एशोसिएसन नेपालका पदाधिकारीहरुसँगको भेटघाटमा अर्थमन्त्री पौडेलले यस्तो बताएका हुन् ।
यसकासाथै, धितोपत्र ब्रोकर्स एशोसिएसन नेपालका अध्यक्ष सागर ढकालको नेतृत्वका पदाधिकारीहरुले नवनियुक्त अर्थमन्त्री पौडेललाई भेटी बधाई तथा शुभकामना प्रदान गरेका छन् । मंगलबार सिंहदरबारस्थित मन्त्रीको कार्यकक्षमा भएको भेटघाटमा एशोसिएसनका तर्फबाट अध्यक्ष ढकालले नवनियुक्त अर्थमन्त्रीबाट पूँजी बजारले यसको सुधार विकासका लागि अग्रगामी नेतृत्वको आशा गरेको बताउँदै मन्त्रीको सफल कार्यकालको शुभकामना तथा बधाई ज्ञापन गरेका थिए।