काठमाडौँ । अग्रणी जीवन बीमा कम्पनी नेशनल लाइफ इन्स्योरेन्सले आफ्ना बीमितको असामयिक निधनपछि बीमा दावी भुक्तानी गरेको छ । कम्पनीको सिन्धुली शाखा कार्यालयले आज एक कार्यक्रमको आयोजना गरी बीमा दावी वापतको बीमा करिव दुई लाख रुपैयाँ हस्तान्तरण गरेको हो । कम्पनीले बीमित सुदिप घर्तिमगरकी आमालाई बीमा दावी वापतको एक लाख ८३ हजार रुपैयाँ हस्तान्तरण गरेको छ । दावी कार्यक्रममा स्थानीय जनप्रतिनिधि, अभिकर्ता र कर्मचारीहरुको सहभागिता रहेको थियो । सिन्धुली शाखा प्रमुख श्रेष्ठले स्वर्गित बीमितप्रति हार्दिक समवेदना प्रकट गर्दै बीमितको परिवारलाई सक्दो चाडो बीमा दावी भुक्तानी दिएको बताए । नेशनल लाइफ इन्स्योरेन्स कम्पनीले बीमा दावी भुक्तानीलाई विशेष प्राथमिकता दिएको छ ।