दोधारा । देशैभर बैकिङ शाखा सञ्जाल विस्तारको अभियानमा रहेको सनराइज बैंक सुदुरपश्चिम प्रदेशको कञ्चनपुर जिल्ला स्थित दोधारा चाँदनीमा शाखा विस्तार गर्न पुगेको छ । सो शाखाको उद्घाटन महाकाली नगरपालिकाका मेयर वीरबहादुर सुनार र बैंकका नायव महाप्रबन्धक अपछ कुमार यादवले गरेका छन् । उक्त कार्यक्रममा बैंकका अन्य पदाधिकारीहरुको पनि उपस्थिति रहेको थियो ।
सोही कार्यक्रममा बैंकका नायव महाप्रबन्धक अपछकुमार यादवले बैंकिङ्ग प्रणालीमा सबैको पहुँच पुर्याउनका लागि बैंकिङ्ग प्रक्रियालाई सरल र सहज बनाउन आवश्यक रहेको बताए ।
कृषि क्षेत्रलाई बैंकले सधै प्राथमिकतामा राख्दै आएको र आगामी दिनमा पनि यस क्षेत्रमा बैंकले थप लगानी गर्दै जाने जानकारी दिए ।
