काठमाडौं । सुनको मूल्य आज तोलामै ९ हजार २ सय रुपियाँ बढेर नयाँ रेकर्ड कायम भएको छ । त्यस्तै चाँदीको मूल्य पनि तोलामा ३२० रुपियाँ बढेर हालसम्मकै नयाँ रेकर्ड कायम भएको छ । नेपाल सुनचाँदी व्यवसायी महासंघका अनुसार आज सुन प्रतितोला ३ लाख १ हजार ४ सय रुपियाँमा कारोबार भइरहेको छ । हिजो २ लाख ९२ हजार २ सय रुपियाँमा कारोबार भएको थियो । त्यस्तै चाँदी प्रतितोला ६ हजार १ सय ९० रुपियाँमा कारोबार भइरहेको छ । यसअघि हिजो ५ हजार ८ सय ७० रुपियाँमा कारोबार भएको थियो । अन्तर्राष्ट्रिय बजारमा सुनचाँदीको मूल्य बढेसँगै नेपाली बजारमा पनि त्यसको असर देखिंदै आएको छ ।