काठमाडौं । बीमाको प्रमुख भूमिका भनेकै आर्थिक सुरक्षा प्रदान गर्नु हो। जोखिम हस्तान्तरणमा बीमाको भूमिका अत्यन्त महत्वपूर्ण र अपरिहार्य छ। यसले व्यक्ति, परिवार र व्यवसायलाई आर्थिक सुरक्षा प्रदान गर्नुका साथै मानसिक सन्तुलन र स्थायित्व कायम गर्न मद्दत गर्दछ। त्यसैले, आधुनिक समाजमा बीमालाई एक आवश्यक साधनका रूपमा स्वीकार गरिनुपर्छ र यसको प्रयोगलाई प्रोत्साहन गर्नुपर्छ।
जीवनको सबैभन्दा कठोर सत्य के हो भने—रोग र दुर्घटनाले कहिल्यै सूचना दिँदैनन्। स्वस्थ देखिने मानिस पनि एकैछिनमा अस्पतालको बेडमा पुग्न सक्छ। विश्वभरकै तथ्यांकले देखाउँछ कि अधिकांश परिवारले भोग्ने ठूला आर्थिक झट्का आकस्मिक स्वास्थ्य समस्याबाटै सुरु हुन्छन्।
नेपालमा यो जोखिम अझ गहिरो छ। यहाँ स्वास्थ्य उपचार खर्चको ठूलो हिस्सा अझै पनि आफैले तिर्नुपर्छ। एक पटक अस्पताल भर्ना हुनुपर्दा, उपचारभन्दा पहिले पैसा कसरी जुटाउने भन्ने चिन्तालेनै धेरै परिवारलाई थकित बनाउँछ। यही यथार्थलाई मध्यनजर गर्दै सन नेपाल लाइफ इन्स्योरेन्सले ‘सन मेडिकेयर’ल्याएको छ—‘आपतमा राहत’ दिने उद्देश्यसहित, जुन स्वास्थ्य संकटका बेला आर्थिक सहारा बन्न सक्छ।

किन आवश्यक छ यस्तो योजना ?

हामीमध्ये धेरैजसोले भविष्यका ठूला जोखिमलाई बेवास्ता गर्छौं—“मलाई केही हुँदैन” भन्ने स्वाभाविक सोचका कारण। तर वास्तविकता फरक छ। एक सानो दुर्घटना, एक अप्रत्याशित रोग—र केही दिनको अस्पताल बसाइले वर्षौंको बचत समाप्त पार्न सक्छ।
नेपालजस्तो देशमा, जहाँ मध्यम वर्गीय परिवारले सीमित आयमा जीवन चलाइरहेका छन्, यस्तो आर्थिक झट्का झनै गम्भीर हुन्छ। त्यसैले, कम लागतमा तत्काल राहत दिने सुरक्षा योजना अब विलासिता होइन, आवश्यकता हो।

के हो सन मेडिकेयर ?

सन मेडिकेयर एक किफायती तर प्रभावकारी बीमा (पुरक बीमालेख) राइडर हो, जसले न्यून प्रिमियममा व्यापक सुरक्षा प्रदान गर्दछ। ५ देखि ६९ वर्ष उमेर समूहका व्यक्तिले वार्षिक मात्र रु १,३९३ तिरेर अधिकतम रु १,००,००० सम्मको कभरेज प्राप्त गर्न सक्छन्। यो सुविधा सन नेपाल लाइफका अन्य जीवन बीमा योजनासँग सहजै ‘एड-अन’ (पुरक करार) का रूपमा जोड्न सकिन्छ।

१५ प्रकारका आकस्मिक अवस्था र रोगमा सुरक्षा

यस योजनाले सडक, घर वा कार्यस्थलमा हुने दुर्घटनाका साथै एपेन्डिसाइटिस, हृदयघात, मस्तिष्कघात, जलन, पानीमा डुब्ने, सर्प वा कीराको टोकाइ तथा मानसिक स्वास्थ्यसम्बन्धी आकस्मिक अवस्थासहित १५ प्रकारका जोखिमहरूमा आर्थिक सहायता प्रदान गर्दछ।

अस्पताल बसाइमा प्रत्यक्ष नगद सहयोग

यस योजनाको सबैभन्दा सबल पक्ष भनेको अस्पताल बसाइको अवधिमा पाइने नगद सुविधा हो—जुन बिलभन्दा अगाडि नै राहत दिन्छ ।
शल्यक्रियासहित भर्ना हुँदास् पहिलो २ दिनसम्म दैनिक बीमाङ्कको २५% र त्यसपछिका ५ दिनसम्म दैनिक १०% शल्यक्रिया बिना भर्ना हुँदा अधिकतम १० दिनसम्म दैनिक बीमाङ्कको १०% अर्थात्, उपचार सुरु हुँदा नै आर्थिक सहयोग सुरु हुन्छ।

निष्कर्ष

नेपालभित्रका अस्पतालहरूमा लागू हुने सन मेडिकेयरले २४ घण्टाभन्दा बढी अस्पताल भर्ना हुनुपर्ने अवस्थामा आर्थिक सहारा प्रदान गर्दछ। सरल दाबी प्रक्रिया र छिटो भुक्तानी व्यवस्थाले बिरामी र परिवारलाई उपचार खर्चको चिन्ताबाट धेरै हदसम्म मुक्त बनाउँछ।
जीवन अनिश्चित छ, तर तयारी सम्भव छ। थप जानकारीका कम्पनीको वेबसाइट तथा आधिकारिक मोबाइल नम्बर ९८०१२३४४४४ मा सम्पर्क गर्न सक्नु हुने छ। हाल सन नेपालको देश भरि १४८ शाखा तथा उप शाखा रहेका छन्।