क्यानबेरा । लामो समयदेखिको आगोलागी नियन्त्रणमा आउन नसकेपछि अष्ट्रेलिय सरकारले राजधानी क्यानबेरामा आपतकालिन अवस्था घोषणा गरेको छ । यहाँ लामो समयदेखिको डढेलोले ठूलो धनजनको क्षति भइसकेको छ ।
वनस्पति र वन्यजन्तुको अथाहा क्षति भइसकेको छ । तर, पनि आगलागी नियन्त्रणमा नआएपछि सरकारले राजधानी र यस आसपासको क्षेत्रमा आपतकाल घोषणा गरेको हो । शुक्रबार अस्ट्रेलियाका अधिकारीहरूले राजधानी सहर क्यानबेरा र वरपरका क्षेत्रमा डढेलो नियन्त्रण बाहिर गएको उल्लेख गरेका छन् । यस्तो आपतकालीन अवस्था ७२ घण्टासम्म लागू हुने भएको छ ।
सरकारी अधिकारीलाई सहर खाली गर्न, सडक बन्द गर्न अधिकार दिइएको छ । सेप्टेम्बरदेखि अस्ट्रेलियाको इष्ट कोस्टसम्म डडेलो फैलिसकेको छ । डढेलोले ३३ को ज्यान गइसकेको छ । ५० करोडभन्दा बढी पशुपंक्षीको ज्यान भएको तथ्यांक छ ।
