काठमाडौं । काठाडौंको भृकुटीमण्डपमा आठौं घरजग्गा मेला २०२० आयोजना हुने भएको छ । नेपाल जग्गा तथा आवास विकास संघको आयोजनामा आगामी बैशाख ४ गतेदेखि ७ गते सम्म घरजग्गा मेला गर्न लागेको हो ।
मेलामा आवास तथा जग्गा विकास तथा शहरीकरणमा योगदान पु¥याएका व्यवसायीहरु र उपभोक्ताहरुलाई एकै थलोमा भेला गराई व्यवसायीहरुले आफ्नो उत्पादनको यथार्थ तथा वास्तविक स्थिति जानकारी गराउन सक्ने आयोजकले जनाएको छ ।
मेलामा भवन तथा संयुक्त आवास र जग्गा योजना तथा विकासमा आवद्ध व्यवसायीहरु, निर्माण सामग्रीका उत्पादक तथा विक्रेता, ईन्जिनियरिङ तथा आर्किटेक्चर कन्सल्ट्यान्ट लगायतका स्वदेशी तथा विदेशी प्रदर्शकहरुका साथै बैंक र बीमा कम्पनीहरुको समेत सहभागिता रहने संघले जनाएको छ ।
मेलामा घरजग्गा व्यवसायको वर्तमान अवस्था तथा यसका चुनौती र समस्या समाधानका उपायसहितका जानकारीहरु गराउन सफल हुने विश्वास समेत संघले गरेको छ ।