काठमाडौं । समय सापेक्षा सेवा तथा सुविधा विस्तार गर्दै सबै क्षेत्रमा बैकिङ पहुँच पुर्याउने अभियान थालेको सनराइज बैंकले आफ्ना ग्राहकहरुलाई होटल अन्नपूर्णमा छूटको व्यवस्था मिलाएको छ ।
सनराइज बैंक लिमिटेड तथा होटल अन्नपूर्णबीच बैंकका ग्राहकहरुलाई होटल अन्नपूर्णको विभिन्न सेवा तथा सुविधा प्रयोग गर्दा विशेष छुट प्रदान गर्ने सम्झौतापत्रमा हस्ताक्षर भएको छ ।
सम्झौता अनुसार बैंकका ग्राहकहरुले काठमाडौको दरवारमार्ग स्थित होटल अन्नपूर्ण र उक्त होटलले संचालन गर्दै आएको चितवन स्थित जगतपुर लज तथा पोखरा स्थित फिस्टेल लजमा फूड, वेभरेज अनि वेकरीमा भुक्तानी गर्दा सनराइज बैंकको डेबिट र क्रेडिट कार्ड मार्फत भुक्तानी गरेर १५ प्रतिशत सम्मको छुट लिन सक्नेछन् ।
