काठमाडौं । दुई कम्पनीको झण्डै ९६ लाख कित्ता शेयर नेपाल स्टक एक्सचेञ्जमा सूचीकृत भएको छ। चिलिमे हाइड्रोपावर र गुँरास लघुवित्तले दोस्रो बजारमा कारोबार गर्न मिल्ने गरी ९५ लाख ७५ हजार कित्ता शेयर सूचीकृत गराएका हुन्।
चिलिमे हाइड्रोपावरले गत आर्थिक वर्षको कमाइबाट शेयरधनीहरुलाई वितरण गरेको ९५ लाख १६ हजार २७१ कित्ता शेयर सूचीकृत गराएको छ भने गुँरास लघुवित्तले ५९ हजार कित्ता शेयर सूचीकृत गराएको छ। उक्त शेयर सम्बन्धित शेयरधनीको खातामा आएपछि दोस्रो बजारबाट खरिद बिक्री गर्न सक्नेछन्।