काठमाडौ । चुक्ता पुँजी पुर्याउने चटारोमा रहेको प्रुडेन्सियल इन्स्योरेन्स कम्पनीको हकप्रद सेयर फागुन १८ गतेदेखि खुल्ने भएको छ । नेपाल धितोपत्र बोर्डबाट ६० प्रतिशत हकप्रद निष्काशन गर्न अनुमति पाएको कम्पनीले फागुन १८ गतेदेखि चैत २३ गतेसम्म  सेयर जारी गर्न लागेको छ ।

बोर्डले गत पुस २९ गते कम्पनीलाई ३८ लाख ४९ हजार एक सय २० कित्ता हकप्रद सेयर निष्काशन गर्न अनुमति दिएको हो । बोर्डको अनुमति अनुसार कम्पनीले हालको चुक्ता पुँजीको सो मात्रा अर्थात ३८ करोड ४९ लाख १२ हजार रुपैयाँ बराबरको हकप्रद सेयर जारी गर्न लागेको हो ।

कम्पनीले पुँजी वृद्धि गर्नको लागि सो मात्राको हकप्रद सेयर निष्काशन गर्न लागेको हो । हाल कम्पनीको चुक्ता पुँजी ६४ करोड १५ लाख २० हजार रुपैयाँ रहेको छ । ६० प्रतिशत हकप्रद पछि कम्पनीको चुक्ता पुँजी एक अर्ब रुपैयाँ पुग्ने छ । उक्त सेयर धितोपत्र निष्काशन तथा बिक्री प्रबन्धकमा एनएमबी क्यापिटल रहेको छ ।