अष्ट्रेलिया । अष्ट्रेलियाको समुन्द्रमा डुबेर एक नेपाली विद्यार्थीको ज्यान गएको छ । बुधबार कुइन्सल्याण्ड राज्यको समुन्द्रमा पौडी खेल्ने क्रममा पोखरा स्थायी घर भएका निकित श्रेष्ठको निधन भएको हो । निकित फेडेरेसन युनिभर्सिटीमा अध्ययनरत थिए। उनी चार जना साथीसँग पौडी खेल्न समुद्रमा गएको थिए । उनलाई पौडी खेल्ने क्रममा समुन्द्रको छालले बगाएको थियो ।
छालमा बगेर बेपत्ता भएपछि उनीसंगै पौडी खेलिरहेका साथीहरुले उद्धारकर्मीलाई सम्पर्क गरेका थिए । उद्धारकर्मीले ५ मिनेटपछि किनारबाट २ सय मिटर पर तैरिरहेको अवस्थामा युवकको भेटेका थिए । युवक फेडेरेसन युनिभर्सिटीमा पढ्थे । युवकको शव व्रिजवेनको कुपर प्लेनस्थित शव गृहमा राखिएको छ ।