काठमाडौं । नेपाल उद्योग वाणिज्य महासंघ को साधारणसभा जेठ ७ र ८ गते हुने भएको छ । सरकारले कोरोना भाइरस नियन्त्रणका लागि कडाई गरेसँगै चैत २८ र २९ गते हुने भनिएको साधारणसभाको मिति महासंघले सारेको हो । उपप्रधानमन्त्री ईश्वर पोखरेलको संयोजकत्वमा गठित उच्चस्तरीय समितिले कोभिड १९ को संक्रमण नियन्त्रण तथा रोकथाम लागि बसेको बैठकले भिडभाडजन्य कार्यका लागि थप कडाइ गरेसँगै महासंघको उक्त निर्णय गरेको जनाएको छ । बिहीबार महासंघको अध्यक्ष भवानी राणा संयोजकत्वमा उपस्थिति पदाधिकारीहरुको सहमतिमा साधारणसभाको मिति सार्ने निर्णय भएको हो ।