काठमाडौं । कोरोना संक्रमणबाट बच्न सरकारले हरसम्भव सबै प्रयासहरु गरिरहेको छ । देश विदेशका नाका बन्द गरिसकेको सरकारले देशका कोरोना संक्रमण नदेखिए पनि सतर्कताका उच्च उपयाहरु अवलम्बन गरिरहेको बेला प्रधानमन्त्री केपी शर्मा ओलीले देशवासीका नाममा सम्बोधन गर्नुहुने भएको छ । कोरोनाले विश्वव्यापी महामारी सिर्जना गरेको र नेपालमा समेत त्रास फैलिरहेका बेला प्रधानमन्त्री ओलीले सम्बोधन गर्न लाग्नुभएको छ । प्रधानमन्त्रीले साँझ ५ बजे नेपाल टेलिभिजन र रेडियो नेपालबाट देशवासीका नाममा सम्बोधन गर्ने उनको सचिवालयले जनाएको छ । सम्बोधनका क्रममा प्रधानमन्त्री ओलीले कोरोनाबाट बच्न भइरहेको प्रयास र भावी रणनीतिबारे जानकारी गराउने छन् । प्रधानमन्त्री ओलीबाट केही विशेष घोषणा पनि हुनसक्ने स्रोतको दाबी छ ।